նախընտրելի դարձնելՀայաստանը օգտագործում է իր բոլոր քաղաքական եւ հումանիտար գործիքները, որպեսզի հայրենիք վերադարձնի Ադրբեջանում 20 տարվա ազատազրկման դատապարտված Կարեն Ղազարյանին։ Այս մասին Հայաստանի Ազգային ժողովում մարտի 6-ին կառավարության ժամի ընթացքում հայտարարել է ՀՀ արդարադատության նախարար Արտակ Զեյնալյանը՝ պատասխանելով «Լուսավոր Հայաստան» կուսակցության պատգամավոր Սարգիս Ալեքսանյանի հարցին։
Նախարարի խոսքերով, հայկական կողմը բողոք է ներկայացրել Մարդու իրավունքների եվրոպական դատարան եւ պահանջել է շտապ միջոցներ ձեռնարկել։
«Այժմ այդ բողոքը դիտարկվում է։ Հայաստանը կտեղեկացվի եւ կներգրավվի գործում՝ որպես երրորդ կողմ։ Հայաստանի կառավարությունը օգտագործում է դիվանագիտական եւ հումանիտար բոլոր գործիքները, որպեսզի Կարեն Ղազարյանի կյանքը ապահովվի եւ երաշխավորվի։ Արվում է հնարավոր ամեն բան նաեւ Հայաստան նրա վերադարձի համար»,- ասել է Զեյնալյանը։
Նախարարն ընդգծել է, որ Հայաստանը հրաժարվել է փոխանակման առաջարկությունից, քանի որ Հայաստանում չկան նման կարգավիճակով Ադրբեջանի քաղաքացիներ։
Զեյնալյանն ասել է, որ Կարեն Ղազարյանը անօրինական է կալանավորված։
Հիշեցնենք, որ Ադրբեջանում են գտնվում երեք հայեր՝ Կարեն Ղազարյանից բացի, Արցախի քաղաքացի Արսեն Բաղդասարյանը եւ Հայաստանի քաղաքացի Զավեն Կարապետյանը։
