ՆախընտրելիԿարկտապաշտպան ցանցերի ներդրման համար վարկեր կարելի է ձեռք բերել 2 տոկոսով:
Այս առնչությամբ, գյուղնախարարության տարածած հաղորդագրության մեջ, մասնավորապես, նշվում է. «Կարկտապաշտպան ցանցերը ձեռք բերելու նպատակով հատկացվող վարկերի տոկոսադրույքը, պետության սուբսիդավորման արդյունքում, Ձեզ կհասնի տարեկան ընդամենը 2% տոկոսադրույքով, իսկ առնվազն 3 հա կարկտապաշտպան ցանցեր ներդնող կոոպերատիվներին եւ սահմանամերձ համայնքներում գործունեություն իրականացնող շահառուներին վարկերը կտրամադրվեն 0% տոկոսադրույքով:
Վարկերը տրամադրվում են 7 տարի մարման ժամկետով, 1 տարի արտոնյալ ժամանակահատվածով։ Ինտենսիվ պտղատու այգիների համար մեկ շահառուին տրամադրվող վարկի առավելագույն չափը չի կարող գերազանցել 85 մլն դրամը, խաղողի այգիների դեպքում՝ 36 մլն դրամը, որը նախատեսված է 10 հա տարածքի վրա կարկտապաշտպան ցանցային համակարգ ներդնելու համար։
Կարկտապաշտպան ցանցերը Ձեր այգիները գրեթե 100%-ով կպաշտպանեն նաեւ քամիներից, թռչունների եւ խոշոր միջատների հասցրած վնասներից։ Կարկտապաշտպան ցանցերն ամբողջ աշխարհում համարվում են որակյալ բերքի ստացման կայուն երաշխիք:
