նախընտրելի դարձնելFox News հեռուստաալիքը կազմել է անցնող տարում ավիաչվերթների ուղեւորների ամենախենթ արարքների ցուցակը։
Նշենք, մեր կարծիքով, առավել խենթ արարքները։
«Մետաղադրամ՝ հաջողության համար»
Չինական «Տյանխե» օդանավակայանում չվերթներից մեկը ուշացել է ուղեւորի տարօրինակ արարքի պատճառով։ Նա որոշել է «հաջողության համար» մետաղադրամ գցել ինքնաթիռի պաստառների արանքը։ Արդյունքում մետաղադրամը հայտնվել է շարժիչի կողքին։ Ավելի ուշ տղամարդը պատմել է, որ դա արել է զոքանչի պնդմամբ, քանի որ ինքը մեկնում էր դստեր հետ, որի համար դա առաջին թռիչքն էր։
«Զուգարանի հերթ»
Անցնող տարի ամերիկյան չվերթներից մեկի ուղեւորների վրդովմունքն է առաջացրել մի զույգ, որը երկար ժամանակ փակվել է ինքնաթիռի զուգարանում, ինչի հետեւանքով դրա մոտ երկար հերթ է գոյացել։
«Մաքուր օդ»
Ուղեւորների ամենատարօրինակ արարքներից է «մաքուր օդ շնչելու համար» իլյումինատորը բացելու փորձը։ Ինչպես նշում է հեռուստաալիքը, միջադեպը տեղի է ունեցել «Սիամինի ավիաուղիների» ինքնաթիռում, իսկ տարօրինակ արարքի լուսանկարները տարածվել են համացանցում։
«Մերկ ուղեւորը»
Ամենախենթ ուղեւորների ցուցակում ֆավորիտներից մեկը տղամարդ է, որը փորձել է բացարձակ մերկ բարձրանալ ինքնաթիռ։ Միջադեպը տեղի է ունեցել «Դոմոդեդովո» օդանավակայանում։ Բարեբախտաբար, օդանավակայանի աշխատակիցներին հաջողվել է կանգնեցնել ուղեւորին։
