նախընտրելի դարձնելՀունվարի 26-ին ոստիկանության Շենգավիթի բաժնի Չարբախի բաժանմունքում հաղորդում էր ստացվել, որ օրը ցերեկով տեխնիկական միջոցների գործադրմամբ բացել են Շարուրի փողոցի բնակարաններից մեկի դուռն ու խոհանոցից բջջային հեռախոս հափշտակել:
Հաղորդումը ստանալուն պես ոստիկանները Շարուրի փողոց էին մեկնել, ուսումնասիրել դեպքի վայրը, կազմել համապատասխան արձանագրություններ:
Գողության փաստով հարուցվեց քրեական գործ:
Իրավապահները գողությունը կատարած անձի ինքնությունը պարզելու եւ հայտնաբերելու ուղղությամբ անհրաժեշտ հետախուզական միջոցառումներ ձեռնարկեցին: Եվ հետեւողական աշխատանքը դեպքից ամիսներ անց դրական արդյունք տվեց:
Ոստիկանության Շենգավիթի բաժնի Չարբախի բաժանմունքի ծառայողներն անհերքելի ապացույցներ ձեռք բերեցին, որ գողությունը կատարել է նախկինում 11 անգամ դատապարտված Երեւանի Օդանավակայանի փողոցի 63-ամյա մի տղամարդ:
Ապրիլի 16-ին կասկածվողը բերման ենթարկվեց ոստիկանության Շենգավիթի բաժին եւ ձերբակալվեց:
Նրա անձնական խուզարկությամբ բջջային հեռախոսը հայտնաբերվել է:
Հանգամանքները պարզվում են:
Հարուցված քրեական գործի նախաքննությունը շարունակվում է:
