նախընտրելի դարձնելՏարօրինակ է լսել ԱՄՆ Պետդեպարտամենտի հայտարարությունը Ղարաբաղի վերաբերյալ համաձայնագրի մանրամասներն իրենց տեղեկացնելու անհրաժեշտության մասին, մանրամասները հաղորդվել են դիվանագիտական ուղիներով, երեքշաբթի ասել է ՌԴ ԱԳ նախարար Սերգեյ Լավրովը, փոխանցում է «ՌԻԱ Նովոստի»-ն:
Ավելի վաղ Պետդեպարտամենտի բարձրաստիճան պաշտոնյան հայտարարել էր, որ ԱՄՆ-ին եւ Ֆրանսիային մանրամասների են սպասվում ղարաբաղյան հակամարտության շուրջ Թուրքիայի դերի վերաբերյալ:
«Ինձ համար տարօրինակ էր դա լսել... Ճիշտն ասած, ես կարծում եմ, որ նման հայտարարությունները կա՛մ արտացոլում են նման հայտարարություններ տարածողների տեղեկացվածության պակասը, կա՛մ պարզապես թյուրիմացությունների արդյունք են»,- ասել է նա լրագրողներին:
Լավրովը հավաստիացրել է, որ ամերիկյան կողմը տեղեկացվել է ամեն ինչի մասին պետքարտուղարի տեղակալի մակարդակով` հաշվի առնելով այն փաստը, որ պետքարտուղար Մայք Պոմպեոն այժմ գտնվում է երկարաժամկետ արտասահմանյան ուղեւորության մեջ:
Բացի այդ, Ռուսաստանը հենց սկզբից սերտորեն համագործակցում էր Մինսկի խմբի համանախագահների, այդ թվում` ԱՄՆ-ի հետ, ասել է նախարարը:
Նրա խոսքով`վերջին տաս օրվա ընթացքում ղարաբաղյան թեման երկու անգամ «առավել մանրամասնորեն» քննարկվել է Ռուսաստանի եւ Ֆրանսիայի նախագահների կողմից, եւ ինքը` Լավրովը, այդ մասին մոտ մեկ ժամ խոսել է իր ֆրանսիացի գործընկերոջ հետ:
