նախընտրելի դարձնելՆիկոլ Փաշինյանն ասում է՝ եթե ինձ 6 ամիս ժամանակ տանք, լուրջ եմ ասում՝ ամեն ինչ լավ կլինի, բայց արդյոք մենք հավատում ենք Փաշինյանին, առրդյոք նրան համարում ենք ադեկվատ ղեկավար: Այս մասին, այսօր՝ նոյեմբերի 21-ինմ Ազատության հրապարակում հանրահավաքի ժամանակ նշեց պրոդյուսեր Ռուբեն Մխիթարյանը:
Նրա խոսքով, գեներալ Մովսես Հակոբյանն այնպիսի հայտարարություններ արեց, փաստեր ներկայացրեց, որից հետո Նիկոլ Փաշինյանը ոչ թե գետինը պետք է մտնի, այլ թռնի լուսին. «Մենք իմացանք, որ պատերազմական գործողություններից կարճ ժամանակ անց դու լրահմալրումը դադարեցրել ես, որի ձայնագրությունները կան: Մենք իմացանք, որ դու կոնկրետ պատերազմի հարցով մեր գլխավոր ռազմավարական դաշնակից Ռուսաստանին առաջին անգամ զանգել ես սեպտեմբերի 30-ին: Ճիշտ է, իր մամլո խոսնակն ասեց, որ մինչ այդ էլ է երկու անգամ զանգել, բայց այստեղ երկուսն էլ ճիշտ են: Որովհետեւ խոսքը պատերազմող երկրի համար պատերազմական բովանդակություն պարունակող զանգի մասին է: Էդ մարդը նախորդ երկու անգամ զանգել է եւ իրեն բնորոշ ԱԼՄ-ի ձայնով ասմունքել է երեւի, ասել է՝ «էտը Նիկոլ բիզիմդիր»: Այդ երկու անգամը նա չի խոսել մեզ համար կարեւոր բաներից: Բոլորը գիտեն դրա մասին: Նա ՌԴ նախագահին չի ասել՝ ճակատում այսպիսի վիճակ է, մեզ մոտ բարդ իրավիճակ է, մեզ պետք է այս-այս տեսակի սպառազինություն: Փոխանակ հենց առաջին օրը իր ռազմավարական դաշնակցից խնդրի այնպիսի ռազմական տեխնիկա, որը շատ պետք է, զանգել եսիմ ինչեր է դուրս տվել»,-ասաց նա:
Ռուբեն Մխիթարյանը նկատեց, որ ամեն անգամ ՌԴ այց կատարելուց առաջ Նիկոլ Փաշինյանը կարծես դիտմամբ լուրջ պրոբլեմ էր ստեղծում ՀՀ-ում գործող ռուսական բիզնեսի նկատմամբ, որոնց ավարտը այդպես էլ պարզ չդարձավ. «Ռուսաստանը մեր միակ բարեկկամն է դարեր ի վեր: Նիկոլ, եթե դու դա չէիր հասկացել, տարար կործանեցիր մեր երկիրը»:
Նա հիշեցրեց, որ Նիկոլ Փաշինյանն անընդհատ խոսում էր ինչ-որ քաղաքական գործիչների պատմության աղբամանը նետելու մասին. «Ցավն այն է, որ տարիներ անց հայ ազգը քո կառավարման ժամանակահատվածը հենց այդպես անվանելու է. պտմության աղբաման»:
Նա ցույց տվեց գետնին դրված մեծ աղբամանը, վերցրեց «Հայկական ժամանակ» թերթի համարներից մեկը եւ ասաց. «Մենք պատմության աղբամանը պետք է նետենք քո «Հայկական ժամանակ» քայքայիչ թերթը: Այս թերթի անունը պետք է լիներ ոչ թոե «հայկական ժամանակ», այլ պետք է լիներ հայկական միաժամանակ թուրքական: Սա է ճիշտ անվանումը: Այս էջերի վրա ես քայքայել երկիրը»: Ռուբեն Մխիթարյանը աղբամանը նետեց նաեւ Նիկոլ Փաշինյանի «Երկրի հակառակ կողմը» գիրքը. «Պարզվեց, որ պետք է կոչվեր՝ երկրի անառակ կողմը»,-ասաց նա:
Նա աղբամանը նետեց նաեւ «Այո»-ի քարոզարշավի ժամանակ վարչապետի թիմի կողմից բաժանվող «Հպարտ քաղաքացու անձնագիրը», «Իմ քայլը» դաշինքի նախընտրկան ծրագիրը:
Ռուբեն Մխիթարյանը հայտարարեց, որ շատ է հարգում ՀՀ առաջին նախագահ Լեւոն Տեր-Պետրոսյանին. «Բայց Անդրանիկ Քոչարյանին ձեզ երբեք չեմ ների: Անդրանիկ Քոչարյանից վատ բան դուք էս ազգին չեք արել»,-ասաց նաու Անդրանիկ Քոչարյանը լուսանկարը նույնպես նետեց «պատմության աղբամանը»: Աղբամանը նետեց նաեւ ԱԺ «Իմ քայլի» պատգամավորներից Լիլիթ Մակունցի, Հովհաննես Հովհաննիսյանի, Վահե Ղալումյանի, Լենա Նազարյանի լուսանկարները: «Ես ունեմ բոլոր նկարները, բայց ձեզ չեմ նետի պատմության աղբամանը, որովհետեւ դուք դեռեւս ունեք շանս դուրս գալու այս պատմությունից, որը տանելու է երկիրը կործանման»:
