նախընտրելի դարձնելՀայաստանում Ռուսաստանի դեսպան Սերգեյ Կոպիրկինը լրագրողներին ներկայացրել է ՀՀ նախագահ Արմեն Սարգսյանի հետ հանդիպումների մանրամասները:
«Ինչ վերաբերում է իմ հանդիպմանը նախագահի հետ, այն ավանդական է, մենք պարբերաբար հանդիպում ենք ժամերը ստուգելու, գնահատականների փոխանակման համար: Ինձ համար, բնականաբար, հետաքրքիր է իմանալ, թե երկրի նախագահն ինչպես է գնահատում իրավիճակը: Դե, բնականաբար, նաեւ երկկողմ հարաբերությունների հարցերով ժամերի ստուգման: Այսինքն՝ սա նորմալ սովորական շփում է, որը բավականին կանոնավոր է»,- ասաց ՌԴ դեսպանը:
Նա նաեւ իր դիրքորոշումը հայտնեց ՀՀ նախագահի`ռուս-հայկական հարաբերությունների խորացման «ճանապարհային քարտեզ» մշակելու նախաձեռնության վերաբերյալ:
«Իմ կարծիքով՝ ցանկացած նախաձեռնություն, որն աշխատում է ռուս-հայկական հարաբերությունների խորացման, մեր նոր խնդիրներին եւ իրողություններին դրանց հետագա հարմարեցման ուղղությամբ, միայն ողջունելի է: Ինձ համար դժվար է ավելի մանրամասն խոսել, քանի որ ես ավելի կոնկրետ մանրամասն տեղեկատվություն չունեմ այն մասին, թե նախագահի կարծիքով՝ ինչ կարող է լինել այս «ճանապարհային քարտեզում», բայց ընդհանուր առմամբ, կարծում եմ, որ նման նախաձեռնությունը կարող է միայն ողջունվել»,- ասաց Հայաստանում Ռուսաստանի դեսպանը:
Նա հավելեց, որ Հայաստանի եւ Ռուսաստանի քաղաքական երկխոսությունը չի կորցրել իր ինտենսիվությունը եւ կշարունակվի տարբեր մակարդակներում, այդ թվում նաեւ ամենաբարձր մակարդակում:
