ՆախընտրելիՀայաստանի առողջապահության նախարարության կողմից ներմուծման համար հաստատված բոլոր պատվաստանյութերն անվտանգ են քաղաքացիների համար եւ կարող են օգտագործվել: Այս մասին մայիսի 3-ին Հայաստանի Ազգային ժողովի հատուկ նիստին ՀՀ վարչապետի ընտրության քննարկման ժամանակ, պատասխանելով պատգամավորների հարցերին, ասաց ՀՀ կառավարության ղեկավարի պաշտոնակատար Նիկոլ Փաշինյանը:
Ընդ որում, նա չմանրամասնեց՝ չցանկանալով գովազդել մի պատվաստանյութը եւ մնացածի հակագովազդ անել: «Ես չեմ ասի, թե որով եմ պատվաստվել, բայց կարող եմ ասել, որ մեր փոխվարչապետներից մեկը պատվաստվել է AstraZeneca-ով, իսկ երկրորդը շուտով կպատվաստվի Sputnik V-ով: Եթե մենք երրորդ փոխվարչապետ ունենայինք, նա կպատվաստվեր չինական պատվաստանյութով»,- ասաց Փաշինյանը:
Վարչապետի պաշտոնակատարը հավաստիացրեց, որ եթե Հայաստանի առողջապահության նախարարությունը որեւէ պատվաստանյութի ներմուծում է թույլ տվել, նշանակում է, որ ուսումնասիրել է դրա կազմը, ազդեցությունն ու անվտանգությունը բնակչության համար:
