նախընտրելի դարձնելԸնդդիմության դեմ իշխանությունների սադրանքները նպատակ ունեն ուշադրությունը շեղել Կառավարության ծրագրից, որտեղ իշխանությունները գրել են, որ ոչ ոք չպետք է հույսը դնի իրենց վրա, եւ նրանք երկիրը տանում են նոր կապիտալյացիայի ճանապարհով: Այս մասին օգոստոսի 26-ին լրագրողների հետ զրույցում ասաց ԱԺ ընդդիմադիր փոխխոսնակ Իշխան Սաղաթելյանը:
Նրա խոսքով՝ իշխանություններն այս ծրագրով ցանկանում են Հայաստանին ներքաշել պատերազմի մեջ: «Մենք կոչ ենք անում նրանց ասել, որ Շուշին եւ Հադրութը ժամանակավորապես են օկուպացված, եւ մեզ պատասխանում են, որ ժողովուրդը նրանց հայրենասիրության մանդատ չի տվել»,- հավելեց նա:
Սաղաթելյանը նշեց, որ իշխանություններն իրենց բոլոր գործողությունները հիմնավորում են նրանով, թե իբր ստացել են ժողովրդի հավանությունը: «Նրանք ասում են. ստացել ենք ժողովրդի մանդատը, ուստի անում ենք այն, ինչ ուզում ենք: Իշխանությունները երեք օր է ասում են, որ հողը պետք է հանձնվեր թշնամուն 20 տարի առաջ, եւ ավելի լավ կլիներ: Մենք պատրաստ ենք համագործակցել նույնիսկ Սատանայի հետ հանուն մեր ժողովրդի շահերի, բայց այս իշխանությունները ոչ մի կապ չունեն այդ շահերի հետ: Մենք սա չենք հանդուրժի, պայքարելու ենք մինչեւ վերջ»,- շեշտեց ԱԺ փոխխոսնակը:
