նախընտրելի դարձնելԲոլոր տնտեսվարող սուբյեկտների նկատմամբ, ում մոտ ստվերային շրջանառություն կամ հարկային պարտավորությունների խախտում հայտնաբերվի՝ անկախ քաղաքական պատկանելությունից եւ հայացքներից կամ որեւէ կապերից, Հայաստանի օրենսդրության շրջանակներում հավասար վերաբերմունք կդրսեւորվի։ Այս մասին ապրիլի 6-ին լրագրողների հետ զրույցում ասել է Հայաստանի Պետական եկամուտների կոմիտեի նախագահ Ռուստամ Բադասյանը։
Նա նշել է, որ հայտնի գործարար Սամվել Ալեքսանյանի ընտանիքի հետ կապ ունեցող «Ալեքս գրուպ» ընկերությունում խուզարկությունների համար պատասխանատու է Քննչական կոմիտեն։ Պաշտոնյան պարզաբանել է, որ հայտնաբերվել են սերվերներ, որոնցում եղել են տնտեսվարող սուբյեկտների գաղտնի շրջանառություններ։ «Մեզ մեղադրում էին, որ կա «Նորզովք» սուպերմարկետների ցանցի գլխավոր մրցակիցը, որն իբր կազմակերպել է այս ամենը։ Այս ամենը մեզ մոտ ժպիտ առաջացրեց։ Ի վերջո, մենք չէին կարող այնպես անել, որ այդ սերվերում նաեւ տվյալ տնտեսվարող սուբյեկտի ընկերություններից մեկի մասին տեղեկություն հայտնվի»,- պարզաբանել է Բադասյանը։
Նա հույս է հայտնել, որ այն լրագրողները, ովքեր հայտնել են այս մասին, այժմ կկարողանան ավելի ճշգրիտ տեղեկատվություն հաղորդել իրենց ընթերցողներին եւ դիտողներին՝ նոր հանգամանքների ֆոնին:
«Կասկածներ կան նաեւ այլ տնտեսվարող սուբյեկտների մասով, որոնց մասին չեմ խոսի»,- ընդգծել է պաշտոնյան՝ վստահեցնելով, որ ՊԵԿ-ն աշխատում է առավելագույնս թափանցիկ եւ հայտնել, որ վերջերս մոտ հինգ աշխատակից կալանավորվել է կամ նրանց կոռուպցիայի մեղադրանքներ են ներկայացվել։
