նախընտրելի դարձնելՀաշվի առնելով Իրանի հետ համագործակցության զարգացման բարձր դինամիկան՝ ազատ առեւտրի համաձայնագրի ուժի մեջ մտնելը եւ դրա հետագա իրականացումը մեզ համար առաջնային են երրորդ երկրների հետ առեւտրային համագործակցության իրական ընդլայնման համատեքստում: Այս մասին Մոսկվայում Եվրասիական տնտեսական բարձրագույն խորհրդի ընդլայնված նիստում հայտարարել է ՀՀ վարչապետ Նիկոլ Փաշինյանը։
Նրա գնահատմամբ՝ Հնդկաստանի եւ Եգիպտոսի նման առաջնային եւ հեռանկարային բանակցային ուղղություններով աշխատանքի շարունակումը, ինչպես նաեւ տնտեսական օրակարգի շուրջ համալիր երկխոսության զարգացումը եւ ԱՄԷ-ի եւ Ինդոնեզիայի հետ առեւտրատնտեսական համագործակցության խորացումը լրացուցիչ խթան կհանդիսանան համաշխարհային տնտեսությանը միության ինտեգրման գործընթացին։
«Չնայած ձեռք բերված արդյունքներին, ելնելով ժամանակակից իրողություններից, մենք պետք է օպերատիվ կերպով ներդնենք երրորդ երկրների գործընկերների հետ փոխգործակցության արդյունավետ մեխանիզմներ, ինչը հետեւողականորեն կհանգեցնի մեր երկրների տնտեսության կայուն զարգացման համար պայմանների ստեղծմանը»,-ասել է նա։
