Ես ընդամենը պատասխանել եմ հայհոյանքներին, ես չեմ հայհոյել: Այս մասին այսօր՝ նոյեմբերի 22-ին, Երեւանի քաղաքապետարանում լրագրողների հետ զրույցում նշեց ավգանու «Մայր Հայաստան» խմբակցության անդամ Նարինե Հայրապետյանը՝ անդրադառնալով երեկվա միջադեպին:

«Ես այդ աստիճանի անտակտ եւ անգրագետ չեմ, որ իջնեմ իմ որոշ մակարդակից: Դա եղել է ընդամենը պատասխան: Իմ պատասխանը մեկ քառորդն էլ չէր կազմում այդ հրահրումին»,-ասաց նա:

Դիտարկմանը, որ տեսանյութում երեւում է, որ ինքը հայհոյում է, ավագանու անդամն ասաց. «Ես ընդամենը արձագանքել եմ, իսկ դուք ի՞նչ կանեի, եթե ձեզ հայհոյեին: Ես սեռական բնույթի հայհոյանք հնչեցրել եմ, երբ ինձ սեռական բնույթի հայհոյանք են հնչեցրել:

Կան մարդիկ, որոնք այստեղ ընդհանրապես չպետք է լինեին, եւ կան մարդիկ, որոնք իրենց ծառայի պարտականություններն այնքան լավ են կատարում, որ ուղղակի ապշեցուցիչ է: Հետագա ընթացքը ցույց է տալու, որ ես բավականին նորմալ մարդ եմ: Ես կարող եմ լինել մի քանի տեսակի: Ես բարձրագույն կրթություն ունեցող մարդ եմ, բավական լավ ինտելեկտով, եթե պետք է մեկ անգամ իրենց մակարդակին հավասարվել, որ իրենք հասկանան, որ իրենց հետ կարող եմ իրենց լեզվով խոսել, ես դա կարամ անել: Դա չի շարունակվելու, խոստանում եմ»:

Հարցին, թե ով է իրեն հայհոյել, Նարինե Հայրապետյանն արձագանքեց. «Գնացեք գտեք, եթե ձեզ թվում է, թե ես ինչ-որ մեկին պետք է գործ տամ, սխալվում եք: Ես իմ հարցերն ունակ եմ ինքս լուծելու»:

Ինչ վերաբերում է նրան, որ «Հանրապետություն» խմբակցության ղեկավար Անի Խաչատրյանի ելույթի ժամանակ ինքը ռեպլիկներ է թողել, մինչդեռ կարող էր առանձին ելույթ ունենալ, արձագանքել, «Մայր Հայաստանի» անդամն ասաց. «Եթե իմ թիմակցին են վիրավորում, Աստվածաշունչն ասում է՝ պաշտպանիր քո հարազատին, ինչպես ինքնդ քեզ կպաշտպանես: Ես դա եմ արել: Իմ թիմակցի անցյալի անգամ արած սխալը իրավունք չունի ոչ ոք հիշեցնելու, որովհետեւ այդ հիշեցնողները այսօր արդեն թուրքին ծառայողների ծառան են»:

Նա անդրադարձավ նաեւ թաղապետերի վարքին. «Երեկ սյտեղ Շենգավիթի թաղապետն այստեղ քացով կռիվ էր անում, որի իրավունքը չուներ: Կանանց էլ էր քաշքշում»:

Ավելի վաղ NEWS.am-ը հայտնել էր, որ երեկ ավագանու նիստի ժամանակ Հանրապետություն» խմբակցության ղեկավար Անի Խաչատրյանի ելույթից հետո կրքերը շիկացան: «Մայր Հայաստան» խմբակցությունից Սոնա Աղեկյանը բաժակով ջուր շփեց Անի Խաչատրյանի վրա: Վերջինս նույնկերպ արձագանքեց, որից հետո ծեծկռտուք սկսվեց: Մասնավորապես, Անի Խաչատրյանը քաշեց Սոնա Աղեկյանի մազերից:

Քաղաքապետ Տիգրան Ավինյանի հանձնարարականով նախ ընդհատվեց ուղիղ հեռարձակումը, ապա նաեւ նիստը: Ավելի ուշ քաղաքապետը ներողություն խնդրեց տեղի ունեցածի համար եւ տեղեկացրեց, որ նիստը կշարունակվի հաջորդ օրը, այսինքն այսօր:

Արդեն այսօր Ավինյանը նկատողություն տվեց ավագանու երեք կին անդամներին՝ Սոնա Աղեկյանին, Նարինե Հայրապետյանին եւ Անի Խաչատրյանին:

«Կոյուղաջրերի թագուհի, դուք հետո կխոսեք». Ավագանու անդամները ջուր շփեցին իրար վրա.  ծեծկռտուք սկսվեց