ՆախընտրելիՄենք ռազմավարությամբ նախանշել ենք, որ մինչեւ 2030 թվականը Հայաստանում արտադրվող էլեկտրաէներգիայի հաշվեկշռում արեւային էներգիայի բաժինը հասցնենք 15 տոկոսի: Այս մասին այսօր՝ նոյեմբերի 28-ին, «Հայաստանի էներգետիկայի բնագավառի ներկան և ապագան» խորագրով համաժողովի ժամանակ լրագրողների հետ զրույցում նշեց ՏԿԼԵ նախարար Գնել Սանոսյանը:
«Բավական լավ տեմպով գնում ենք դրան: Կարծում ենք՝ այս տեմպով զարգացումը կարող է նույնիսկ ավելիին բերել: մենք նախատեսում ենք մինչեւ 2040 թվականը ավելացնել հզորությունները եւս 1000 եւ 500 մեգավատտ, եւ հողմային էներգետիկայի ոլորտում լրացուցիչ 500 մեգավատտ ունենալ»,-ասաց նա:
Սանոսյանը նշեց, որ Հայաստանի էներգետիկ համակարգի արտադրող կայանները ոչ միայն մեր երկրի ներքին պահանջարկն են բավարարում, այլեւ որոշակի ծավալ արտահանում ենք: «Ընդ որում, Հայաստանն էներգետիկ համակարգի կայանները ավելին կարող են արտադրել, քան դրա պահանջարկը ունենք: Դրա համար երկու ուղի կա. մեկը երկրի տնտեսության զարգացումն է, մյուսը արտահանումն է»,- ընդգծեց նախարարը:
