նախընտրելի դարձնել«Զովք» սուպերմարկետից առևտուր անելու համար Էջմիածնի և հարակից գյուղերի բնակիչներն այլևս ստիպված չեն լինի հասնել մայրաքաղաք։ Դեպի Էջմիածին տանող ճանապարհին՝ Զվարթնոց համալիրի հարևանությամբ, բացվեց սուպերմարկետների ցանցի նոր՝ 29-րդ մասնաճյուղը։ Այն առանձնանում է իր ընդարձակ սրահով ու ապրանքատեսակաների բազմազանությամբ։
«Տարածաշրջանի բնակչության կողմից կար նաև այստեղ սուպերմարկետի մասնաճյուղ բացելու պահանջարկ։ Այդ պատճառով մենք փորձեցինք ապահովել Արմավիրի մարզի այս հատվածի բնակչությանը և ոչ միայն նրանց՝ «միշտ թարմ և մատչելի» կարգախոսին համապատասխան, ապրանքատեսակների առաջարկը»,- մասնաճյուղի բացման ժամանակ հայտարարեց «Զովք» սուպերմարկետների ցանցի փոխտնօրեն Ռաֆայել Խաչատրյանը։
«Զովք»-ի նոր մասնաճյուղի ընդարձակ սրահում հաճախորդները կգտնեն ոչ միայն պարենային ապրանքների մեծ տեսականի՝ թարմ միրգ-բանջարեղեն, մսամթերք, ձկնեղեն, հացաբուլկեղեն, նպարեղեն, ընդեղեն ու քաղցրավենիք, այլև տնտեսական ապրանքներ։
«Մասնաճյուղը գործելու է շուրջօրյա։ Այն ունի տարադրամի փոխանակման կետ, դեղատուն և արտադրամաս»,- նշեց «Զովք» սուպերմարկետների ցանցի փոխտնօրենը։
Նոր մասնաճյուղի բացման արարողության առիթով սուպերմարկետում գործում էին աննախադեպ առաջարկներ, հաճախորդների համար կազմակերպվել էր հյուրասիրություն:
«Զովք»-ը սուպերմարկետ է ոչ միայն առօրյա, այլև տոնական գնումների համար: Բացման արարողությունից հետո սկսվեց աշխույժ առևտուրը: Էջմիածինցիները սպասում էին այս մասնաճյուղի բացմանը։ Մատչելի գին և բարձր որակ համադրությունն է շատերին դարձրել Զովք սուպերմարկետի մշտական հաճախորդ, նաև բարձրակարգ սպասարկումն ու լայն տեսականին։
«Ինչպես բոլոր մեր մասնաճյուղերը, այդպես էլ նորաբաց 29-րդ մասնաճյուղն աշխատելու է «միշտ թարմ և մատչելի» սկզբունքն առաջնային պլանով։ Այս մասնաճյուղում ևս պարբերաբար լինելու են նոր՝ ցածր գնային առաջարկներ։ Այնպես, որ տարածքի բնակչությունը մշտապես գոհ է լինելու մեզանից»,- ասաց Ռաֆայել Խաչատրյանը։
1999 թվականին հիմնադրված սուպերմարկետների ցանցը կարևոր է համարում հաճախորդի կարծիքն ու պահանջը, պահպանում է բարձրորակ սպասարկումը, ապրանքների թարմությունն ու մատչելիությունը։
