նախընտրելի դարձնելՄիամտություն է կարծել, որ Ֆրանսիան պատրաստ է կամ ունակ է ապահովել Հայաստանի անվտանգությունը։ Այս մասին, այսօր՝ մարտի 13-ին, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Հայաստանի եւ Ֆրանսիայի միջեւ ռազմական համագործակցության մասին հարցին։
«Ես արդեն մեկնաբանել եմ Փարիզի և Երևանի միջև շփումները։ Կրկին ուզում եմ ընդգծել, որ արտաքին գործընկերների և ազգային անվտանգության ապահովման պարամետրերի ընտրությունը ցանկացած երկրի ինքնիշխան խնդիրն է, և այս դեպքում դուք խոսում եք Հայաստանի մասին։ Անշուշտ։ Սա ևս մեկ անգամ վերահաստատում ենք։
Պարզապես Երևանում, շրջվելով դեպի Ֆրանսիա և մեծացնելով նրա հետ ռազմատեխնիկական համագործակցությունը, պարզապես չեն հասկանում ոչ ֆրանսիացի, այսպես կոչված, հովանավորների իրական մտադրությունները, ոչ էլ տարածաշրջանում նրանց ռազմական ներկայությունն ընդլայնելու ռիսկերը։ Միամտություն է կարծել, որ Ֆրանսիան պատրաստ է կամ ունակ է ապահովել Հայաստանի անվտանգությունը»,- ասել է նա։
Զախարովայի խոսքով՝ եթե Ֆրանսիան ունենար նման հնարավորություններ, ապա դրանք կօգտագործեր այն երկրներում, որտեղ բառացիորեն ուներ պայմանագրային պարտավորություններ, որտեղ պարտավոր էր դա անել, քանի որ դրա դիմաց գումար էր ստանում։
«Խոսքը աֆրիկյան մայրցամաքի մասին է: Ֆրանսիայի առաքելություններն այս երկրներում ձախողվեցին, և ոչ թե այն պատճառով, որ պատճառը ինչ-որ քաղաքական անհամապատասխանությունն էր, այլ այն պատճառով, որ Ֆրանսիան լքեց իր դաշնակիցներին ու գործընկերներին, որոնց հետ, նորից եմ ասում, այնտեղ ոչ միայն հարաբերությունները բարեկամական էր, ոչ միայն սեր, այլ նաև. ընդհանուր առմամբ լավ շահութաբեր էր իրենց համար: Ֆրանսիան պարզապես լքեց նրանց, լքեց այդ երկրների համար ամենակրիտիկական պահին։ Եվ երկրները սկսեցին շտապ փոխարինող փնտրել ֆրանսիական ներկայության համար, ոչ միայն որպես ֆրանսիական ներկայություն, այլ նաև որպես ուժ՝ ապահովելու իրենց էկզիստենցիալ անվտանգության խնդիրները»,- ասել է ՌԴ ԱԳՆ պաշտոնական ներկայացուցիչը։
Միևնույն ժամանակ, Զախարովայի կարծիքով, չպետք է մոռանալ, թե «ինչ բացահայտ ձախողումներով ավարտվեցին, այսպես կոչված, խաղաղապահ, կամ, ինչպես ասում էին, Փարիզի միջնորդական ջանքերը»։
«Այս եզրափակիչը, «Սահարա» գործողության անփառունակ, հրեշավոր եզրափակիչը Սահելի շրջանում, ինձ թվում է, ամենավառ օրինակն է:
Չգիտեմ՝ Հայաստանի ղեկավարությունը հայաստանցիներին պատմո՞ւմ է, թե ինչով է հայտնի դարձել Ֆրանսիան վերջին տարիներին, երբ ստանձնել է միջնորդական կամ անվտանգության գործառույթներ։ Շատ լավ կլիներ, եթե ձեզ ասեին. «Ինչ վերաբերում է Ֆրանսիայի հետ ռազմատեխնիկական համագործակցությանը, Ռուսաստանի կողմից «Միստրալ» դասի նավերի ձեռքբերման պատմությունը, ինձ թվում է, ավելի քան խոսուն կերպով ցույց է տալիս ֆրանսիացիների՝ որպես գործընկերների անվստահելիությունը», - ընդգծել է նա։
«Համերաշխության կեղծ հավաստիացումների, խաղաղության մասին խոսքերի ներքո, ցավոք սրտի, Ֆրանսիայի ներկայիս իշխանությունները չեն առաջնորդվում Հայաստանի շահերով, դա ակնհայտ է, և ոչ մի դեպքում հայ ժողովրդի շահերով։
Նրանք առաջնորդվում են իրենց վիրավորված աշխարհաքաղաքական նկրտումներով, հակառուսական կեցվածքով, իսկ Հայաստանի ու ողջ Հարավային Կովկասի ապագան Փարիզի համար պարզապես գործիք է, սակարկության առարկա, սեփական բարեկեցությունը պահպանելու, հեղինակությունը պահպանելու միջոցներից մեկը, այդ թվում՝ մեր երկրի հետ հիբրիդային պատերազմի ֆոնին։
Բայց իրականում Ֆրանսիայի ներկայությունը տարածաշրջանում, որի մասին մենք հիմա խոսում ենք, փորձ է, ինչպես ես բազմիցս ասել եմ, այսօր նորից կընդգծեմ տեղեկատվություն հավաքելու, տարածաշրջանի պետություններին վերահսկելու և խաղաղության բոլոր համաձայնագրերը թույլ չտալու համար, որոնք իրականացվելիք երկրների միջև էին ձեռք բերվել։ Սա ակնհայտ է եւ ոչ ոք դա չի թաքցնում։ Եթե իրական նպատակը լիներ խաղաղությունն ու անվտանգությունը, ապա Ֆրանսիան ամեն ինչ կաներ, որպեսզի 2021 թվականից Ռուսաստանի միջնորդությամբ Հայաստանի և Ադրբեջանի միջև ձեռք բերված պայմանավորվածությունները կյանքի կոչվեին։ Բայց նրանք հակառակ ընթացքը վերցրին»,- հավելել է Մարիա Զախարովան։
