նախընտրելի դարձնելՀայաստանի շատ դպրոցներում չինարենը ներառված է որպես պարտադիր ուսումնական ծրագիր, և ավելի ու ավելի շատ հայ երիտասարդներ են սովորում չինարենը և չինական մշակույթը: Այս մասին այսօր ասաց Չինաստանի Ժողովրդական Հանրապետության դեսպան պարոն Ֆան Յոնգը, ելույթ ունենալով «Չինական կամուրջ» մրցույթին, որը կազմակերպել էր Հայաստանի Հանրապետությունում Չինաստանի դեսպանությունը՝ Հայաստանում Կոնֆուցիուսի ինստիտուտի աջակցությամբ։
Դեսպանի խոսքով, Չինաստանի և Հայաստանի միջև մշակութային կապերը տարեցտարի ամրապնդվում են, ինչի վկայությունն է արդեն յոթերորդ անգամ անցկացվող «Չինական կամուրջ» մրցույթը. «32 տարի շարունակ Չինաստանի և Հայաստանի միջև երկկողմ հարաբերությունները կայուն զարգանում են բոլոր ոլորտներում։ Իսկ մշակութային փոխանակումը դարձել է մեր երկրների հարաբերությունների կարևոր մասը։ ՀՀ մշակույթի եւ սպորտի նախարարության եւ Չինաստանի Ժողովրդական Հանրապետության համատեղ աշխատանքը հանգեցրել է նրան, որ չինարենի ուսումնասիրությունը մեծ թափ է հավաքում։ Հայաստանի շատ դպրոցներում չինարենը դարձել է պարտադիր առարկա, և ավելի ու ավելի շատ երիտասարդներ սկսում են չինարեն սովորել և ճանաչել չինական մշակույթը»:
Հիշեցնենք, որ մրցույթի արդյունքներով կորոշվի մեկ հաղթող, ով կներկայացնի Հայաստանը Չինաստանում կայանալիք միջազգային մրցույթում։
