ՆախընտրելիԱյսօր էլեկտրամոբիլների ներկրման քվոտայի կիրառման առավելությունը տրվում է ոչ թե մյուսներից շուտ էլեկտրամեքենա պատվիրողներին, այլ նրանց, որոնք կարողացել են մեքենան ավելի արագ ներմուծել, քան մյուսները։ Այս մասին մարտի 19-ին լրագրողների հետ հանդիպմանն ասաց Էլեկտրական մեքենաներ ներկրողների շահերի պաշտպանության նախաձեռնող խմբի անդամ Տիգրան Թովմասյանը։
Նա դա անվանեց անարդար մոտեցում:
Թովմասյանը դժգոհեց նաև, որ փոքր ներկրողները մաքսազերծման համար վճարում են մինչև 5000 դոլար, իսկ խոշորները հաճախ գործնականում ոչինչ չեն վճարում, ինչը անառողջ մրցակցային միջավայր է ստեղծում։
Ներմուծողը վրդովմունք հայտնեց նաև մաքսակետում կայանման թանկացման գրեթե հնգապատկման առնչությամբ՝ մինչև 5 հազար դրամ։
Միաժամանակ, ըստ նրա, փոփոխություններ չեն կատարվել՝ լիցքավորման կետեր չեն ավելացվել, աշխատակազմը չի ընդլայնվել, սպասարկման բարելավման ուղղությամբ այլ աշխատանք չի իրականացվել։
Թովմասյանը նաև կոչ արեց ձիաուժի առումով պարզեցնել էլեկտրական մեքենաների հարկային պայմանները, քանի որ ներկայիս բարձր տուրքերը խանգարում են բնակչությանը նման մեքենաներ գնել։
Հիշեցնենք, որ Հայաստանի իշխանությունները 2025 թվականի համար սահմանել են 5000 էլեկտրական մեքենաների ներմուծման անմաքս քվոտաներ ֆիզիկական անձանց համար և ևս 3000-ը՝ դիլերների համար (ընդհանուր առմամբ, ԵԱՏՄ-ն Հայաստանին տրամադրել է 8000 նման մեքենաների ներմուծման անմաքս քվոտա)։
Վերջերս իշխանությունները հայտարարեցին, որ ֆիզիկական անձանց համար նախատեսված քվոտաները գրեթե սպառվել են։
