նախընտրելի դարձնելՉինաստանում վիրահատել են սիամական զույգ քույրերին, որոնց մոտ սերտաճում էր եղել կրծքավանդակի եւ փորի շրջանում:
Բարդ վիրահատությունը տեղի է ունեցել հունվար 11-ին Հունան նահանգում`Չանշա մանկական հիվանդանոցում: Վիրահատությունը անց են կացրել ավելի քան քսան բժիշկներ, Չինաստանի լավագույն վիրաբուժներն ու անեստեզիոլոգները:
Թեեւ վիրահատությունը հաջող ավարտ է ունեցել, բժիշկները չեն բացառում, որ երեխաները կարող են մահանալ, քանի որ վարակի հավանականությունը շատ մեծ է: Ավելի բարդ ու վտանգավոր կլինեն հետվիրահատական յոթ օրերը:
Նոյեմբերի վերջին ծնված աղջիկ երկվորյակները ունեն նաեւ սրտի բնածին արատ:
Ներկայումս երեխաների դրությունը կայուն է, նրանք գտնվում են մասնագետների վերահսկողության տակ, հաղորդում է «ՌԻԱ Նովոստին»:
