Լոնդոնի Թագավորական օպերային թատրոնը խիստ հայտարարությամբ է հանդես եկել՝ «բոլորովին անտեղի» որակելով արտիստի գործողությունները, որը ներկայացման վերջում պարզել է Պաղեստինի դրոշը։ AFP-ի փոխանցմամբ՝ միջադեպը տեղի է ունեցել շաբաթ երեկոյան՝ Ջուզեպպե Վերդիի «Տրուբադուր» օպերայի 11-օրյա ցուցադրության փակմանը։

Համացանցում հրապարակված տեսանյութում երևում է, թե ինչպես է վերնաշապիկով և փողկապով տղամարդը (ենթադրաբար՝ բեմի աշխատակիցը) փորձում խլել դրոշն արտիստից, սակայն՝ ապարդյուն։ Արտիստը պարզապես կանգնած էր բեմին դրոշով՝ առանց կարգախոսներ վանկարկելու կամ խոնարհվելու։

Ըստ թատրոնի ներկայացուցչի, «դրոշի ցուցադրությունը բեմադրության մասնակցի չարտոնված գործողությունն էր»։ Նրա անունը դեռ չի հայտնվում։

Թագավորական օպերային թատրոնն ընդգծում է, որ բեմում քաղաքական հայտարարությունները խախտում են հաստատության կանոնները և կարող են ազդել արվեստի՝ որպես չեզոք տարածքի ընկալման վրա։