Ամերիկացի ոստիկանը 1999 թվականի Chevrolet Camaro-ն վերածել է շրջված մրցարշավային մեքենայի, որը մասնակցում է «LeMons-ի 24 ժամ» հումորային մրցարշավին։

Դրա համար նա Camaro-ի թափքը համատեղել է 1990 թվականի Ford Festiva-ի շասսիի հետ՝ այն գլխիվայր շրջելով։ Արդյունքում ստացվել է մի մեքենա, որտեղ տանիքը դարձել է հատակ, իսկ հատակը՝ վարորդի նստատեղ, գրում է Motorious-ը։

Այս անսովոր նախագիծը ոստիկանի՝ ոչ ստանդարտ մեքենաներ ստեղծելու առաջին փորձը չէ։ Ավելի վաղ նա մեքենա էր կառուցել 1956 թվականի Cessna ինքնաթիռի բեկորներից։ Չնայած իր տարօրինակ կառուցվածքին՝ շրջված Camaro-ն հաջողությամբ անցել է փորձնական թեստերը և ցուցադրել է կայունություն և կառավարելիություն։

Մրցարշավին մասնակցելու արժեքը թիմի համար կազմում է 1775 դոլար, ներառյալ մեքենան և չորս վարորդները։

«LeMons-ի 24 ժամը» հայտնի է իր ոչ ավանդական և հաճախ կատակերգական մեքենաներով, որտեղ գլխավորը ոչ թե արագությունն է, այլ մասնակիցների ստեղծագործականությունն ու հումորը: Այս մոտեցման վառ օրինակ է գլխիվայր շրջված Կամարոն: