նախընտրելի դարձնել«Հայաստան» խմբակցության պատգամավոր Լևոն Քոչարյանի և եռամարտի ֆեդերացիայի քարտուղար Սերգեյ Ասատուրովի գործով դատավոր Կարեն Ֆարխոյանին ինքնաբացարկ է հայտարարվել։
Միջնորդությունը ներկայացրել է Քոչարյանի փաստաբան Արամ Վարդևանյանը, միջնորդությանը միացել են նրա պաշտպանյալը, ինչպես նաև Ասատուրովը և նրա փաստաբանը։
Լևոն Քոչարյանը հիշեցրել է, որ դատավորի վարույթում եղել են ընդդիմադիր գործիչների գործեր և ոչ մի արդար որոշում չի կայացվել։ «Դատավորին հայտնի է, թե ով եմ ես և վստահ եմ, որ դատավորի որոշումը չի կարող վարչապետի սրտով չլինել»,- հայտարարել է Քոչարյանը՝ հավելելով, որ դատավորից որպես մարդ չի բողոքում, բայց նրան չի վստահում որպես դատավոր, քանի որ նա չի համարձակվում հանդես գալ օբյեկտիվ դիրքերից։
Դատավորը համարել է, որ միջնորդությունը չի բխում օրենսդրության պահանջներից։ Նիստին 10 րոպե ընդմիջում է հայտարարվել։
Հիշեցնենք, որ Լևոն Քոչարյանը ձերբակալվել է Երևանում՝ ընդդիմության ակցիայի ժամանակ։ Ավելի ուշ նրան մեղադրանք է առաջադրվել ոստիկանի նկատմամբ բռնություն գործադրելու համար, թեև միջադեպը ֆիքսած տեսանյութերում երևում է, թե ինչպես են ոստիկանները ծեծում Քոչարյանին։
