Հայ պատանի ճարտարագետների թիմը տպավորիչ հաղթանակ է գրանցել Ռոբոտների համաշխարհային օլիմպիադայի 2025 թվականի բաց մրցաշարում` Հայաստանի համար ապահովելով աննախադեպ ցուցանիշներ։

Սլովենիայում կայացած մրցաշարին այս տարի մասնակցել է 214 թիմ 45 երկներից։ NEWS.am -ին հայտնի դարձավ, որ մրցաշարի արդյունքում  Հայաստանը ներկայացնող երեք թիմերը`  «Արմաթ» -ը ,  «GDL»-ն և«BigBots»-ը ստացել են համապատասխանաբար ոսկե, արծաթե և բրոնզե մեդալներ։

Մասնավորապես մրցաշարի «Ապագա նորարարներ» անվանակարգում հաղթել է Հայաստանի «Արմաթ» թիմը, որի կազմում ռոբոտաշինության օլիմպիադայի չեմպիոններ են դարձել Այգուտ գյուղի դպրոցի Արմաթ ճարտարագիտական աշխատանոցի ճարտարագետներ Արարատ Բայանդուրյանը, Գրիգոր Խոջայանը և Երևանի N131 դպրոցի Արմաթ ճարտարագիտական աշխատանոցը ներկայացնող Վահե Գաբրիելյանը։

Հայկական թիմի մարզիչ-խմբավարն է Շահեն Արաբաչյանը։

New Picture5555.jpg (52 KB)

New Picture (1).jpg (56 KB)

New Picture (2).jpg (80 KB)