նախընտրելի դարձնելՀՀ երկրորդ նախագահ Ռոբերտ Քոչարյանը կարծում է, որ գործող իշխանությունների գործողություններն օբյեկտիվ նախադրյալներ են ստեղծում ընդդիմադիր ուժերի համախմբման համար։ Նա այս մասին հայտնել է հունվարի 29-ի մամուլի ասուլիսի ժամանակ։
Քոչարյանի խոսքով՝ վարչապետ Նիկոլ Փաշինյանի հռետորաբանությունն ու քաղաքականությունը դուրս են գալիս ավանդական քաղաքական բանավեճի սահմաններից եւ շոշափում են ինքնության հիմնարար հարցեր։
«Նիկոլ Փաշինյանն իրեն համարում է մարդ, որն իրավունք ունի վերանայել հայ ժողովրդին եւ փոխել նրա ինքնությունը։ Գուցե նա իրեն համարում է Քրիստոսի «զապասկա», չգիտեմ։ Սակայն նման վարքագիծը լայն հնարավորություններ է բացում ընդդիմության միավորման համար»,- հայտնել է երկրորդ նախագահը։
Քոչարյանն ընդգծել է, որ նման մոտեցումներ երբեք չեն եղել հայկական քաղաքական պրակտիկայում։ Նրա խոսքով՝ գործող իշխանություններից առաջ ոչ ոք չի փորձել արհեստականորեն հակադրել պատմական եւ ժամանակակից Հայաստանը։ «Այսօրվա Հայաստանը պատմական Հայաստանի օրգանական շարունակությունն է»,- նշել է նա։
Այս համատեքստում երկրորդ նախագահը վստահություն է հայտնել, որ հենց գործող կառավարության քաղաքականության առաջադրած արժեքային եւ ինքնության մարտահրավերներն են, որոնք կարող են դառնալ ընդդիմադիր դաշտի միավորող գործոն։
