ՆախընտրելիՉեմ կասկածում, որ ժողովուրդը խորհրդարանական ընտրություններում կընտրի «Քաղաքացիական պայմանագիր» կուսակցությանը։ Այս մասին փետրվարի 13-ին լրագրողների հետ զրույցում հայտնել է «Երկրապահ» կամավորական միության նախագահ եւ «Քաղաքացիական պայմանագիր» խմբակցության պատգամավոր Սասուն Միքայելյանը։
«Կընտրենք արժանի թեկնածուներ, մարդկանց, որոնց հետ ճանապարհ ենք անցել»,- նշել է նա։ Հարցին, թե արդյոք իր բացակայությունը խորհրդարանում զգացվում է, Միքայելյանը պատասխանել է. «Դա ժողովրդի որոշելիքն է»։
Պատասխանելով քննադատությանը՝ կապված այն բանի հետ, որ ՀՀ պաշտպանության նախարար Սուրեն Պապիկյանը նոր պաշտպանական գծերի կադրեր էր հրապարակել, նա ասել է, որ դրանք արդեն կառուցվում են թշնամու աչքի առաջ՝ կոչ անելով մարդկանց աստառ չփնտրել։
«Ի՞նչ է, թշնամին չի՞ տեսնում դրանք»,- հռետորական հարց է տվել նա։
Ավելի վաղ Միքայելյանը տեղեկացրել էր, որ ընդգրկվել է «Քաղաքացիական պայմանագիր» կուսակցության համամասնական ցուցակում՝ հաջորդ խորհրդարանական ընտրությունների համար։
