Բրազիլիայի Մինաս Ժերայս նահանգում տեղացած անձրևները հեղեղումների պատճառ են դարձել, որոնց հետևանքով Ուբա մունիցիպալիտետում դագաղները «ազատ նավարկության» են դուրս եկել։ Տեղի բնակիչների նկարահանած տեսանյութերն արձանագրել են այդ տեսարանը քաղաքում՝ փետրվարի 24-ի գիշերը։

Ուբայում առնվազն չորս մարդ է զոհվել հորդառատ անձրևների պատճառով, որոնք ավերածությունների հետքեր են թողել ավելի քան 100 հազար բնակչություն ունեցող մունիցիպալիտետում։

Մեկ այլ տուժած քաղաքում՝ Ժուիս դի Ֆորայում, զոհերի թիվը հասել է 16-ի։ Ավելի քան 400 մարդ մնացել է անօթևան։ Մունիցիպալ իշխանությունները հայտարարել են արտակարգ դրության ռեժիմ։