ՆախընտրելիՄենք այժմ չենք մասնակցում ՀԱՊԿ-ի աշխատանքներին, քանի որ պարզ պատճառով դեռևս չենք կարողանում մեր ժողովրդին, մեր քաղաքացիներին բացատրել, թե ինչու է ՀԱՊԿ-ն չի արձագանքել և չի կատարել Հավաքական անվտանգության պայմանագրի կազմակերպության շրջանակում իր պարտավորությունները, Ռուսաստանի նախագահ Վլադիմիր Պուտինի հետ հանդիպման ժամանակ հայտարարել է ՀՀ վարչապետ Նիկոլ Փաշինյանը։
Փաշինյանն ընդգծել է, որ հայկական կողմը բազմիցս բարձրացրել է այդ հարցը և չի թաքցրել Հավաքական անվտանգության պայմանագրի կազմակերպության հետ իր հարաբերություններում առկա խնդիրները։
«Եվ հիշում եք, մենք բազմիցս խոսել ենք այս մասին։ Եվ մենք երբեք չենք թաքցրել նաև մեր խնդիրները ՀԱՊԿ-ի հետ, քանի որ 2022 թվականին մենք ունեինք կոնկրետ իրավիճակ։ Եվ, իմ կարծիքով, ՀԱՊԿ մեխանիզմները պետք է աշխատեին, սակայն չաշխատեցին»,- հայտարարել է նա։
Ըստ նրա՝ հենց կազմակերպության արձագանքի բացակայությունն էր, որը հանգեցրեց հարաբերությունների ներկայիս վիճակին։ «Եվ դա, իհարկե, հանգեցրեց այն իրավիճակին, որը մենք ունենք ՀԱՊԿ-ի հետ մեր հարաբերություններում»,- նշել է Փաշինյանը։
Նա կրկին ընդգծել է հիմնական պատճառը. «Մենք այժմ չենք մասնակցում ՀԱՊԿ-ի աշխատանքին, քանի որ պարզ պատճառով դեռևս չենք կարող բացատրել մեր քաղաքացիներին, թե ինչու ՀԱՊԿ-ը չարձագանքեց և չկատարեց Հավաքական անվտանգության պայմանագրով ստանձնած իր պարտավորությունները»,- եզրափակել է վարչապետը։
