Նախագահականի ու Ազգային ժողովի շենքերը շրջապատված են ոստիկաններով։ Երթը շարժվում է դեպի Հանրապետության հրապարակ։ Շարժման մասնակիցների մի մասը արդեն Ֆրանսիայի հրապարակում են, իսկ մյուս մասը դեռ Բաղրամյան պողոտայի սկզբում է։

Նշենք, որ մեծաթիվ ոստիկանական ուժեր են կենտրոնացվել կառավարության բոլոր մուտքերի մոտ։

Հիշեցնենք, որ մայիսի 4-ից Տավուշի մարզի Կիրանց գյուղից Տավուշի թեմի առաջնորդ Բագրատ արքեպիսկոպոս Գալստանյանի գլխավորած երթը այժմ գալիս է Հանրապետության հրապարակ, որտեղ ժամը 16:00-ին նախատեսված էր հանրահավաք։ Այն մի փոքր ուշանում է, քանի որ Սրբազանի առաջնորդած երթը դեռ հրապարակ չի հասել: