Հանրապետության հրապարակում Տավուշի թեմի առաջնորդ Բագրատ Սրբազանի կողմից վարչապետ Նիկոլ Փաշինյանի հրաժարականի պահանջից հետո ՔՊ-ական պատգամավորները ֆլեշմոբ են սկսել, նրանք տեղադրում են Նիկոլ Փաշինյանի լուսանկարը եւ նույնաբովանդակ գրառումներ անում:
Մասնավորապես, ՔՊ-ի ֆեյսբուքյան էջում ԱԺ ՔՊ խմբակցության քարտուղար Արթուր Հովհաննիսյանը գրել է.
«Մեր պատասխանը՝ Բագրատին
ՀՀ ընտրված վարչապետ Նիկոլ Փաշինյան
Կեցցե´, ժողովրդավար ու ինքնիշխան Հայաստանի Հանրապետությունը»:
Նույն գրառումն իր էջում տեղադրել է ՔՊ-ական պատգամավոր Էդվարդ Աղաջանյանը:
Խմբակցության ղեկավար Հայկ Կոնջորյանն ավելի հակիրճ է գտնվել՝ միայն նշելով. «Հայաստանի Հանրապետության ընտրված վարչապետ Նիկոլ ՓԱՇԻՆՅԱՆ»:
Առողջապահության նախարար Անահիտ Ավանեսյնը եւս գրառում է արել. «ՀՀ ընտրված վարչապետ Նիկոլ Փաշինյան»:
Նիկոլ Փաշինյանի մամուլի խոսնակ Նազելի Բաղդասայանը եւս միացել է «ֆլեշմոբին»՝գրելով,. «ՀՀ ընտրված վարչապետ Նիկոլ Փաշինյան»:
Նիկոլ Փաշինյանի նկարը ֆեյսբուքում հրապարակել են նաև ՔՊ-ական պատգամավորներ Արեն Մկրտչյանը, Վահագն Ալեքսանյանը:
Նշենք, որ քիչ առաջ Հանրապետության հրապարակում Բագրատ Սրբազանը Նիկոլ Փաշինյանին 1 ժամ ժամանակ տվեց հրաժարական տալու համար:
