Ֆուքս ընտանիքը Արեւմտյան Դորսեթում (Անգլիա) գտնվող իրենց ագարակում նորոգման ժամանակ պատահաբար գտել է 17-րդ դ. մետաղադրամներ, գրել է Popular Mecanics-ը։

Վերջերս հավաքածուն վաճառվել է 75 հազար դոլարով Duke's աճուրդների տանը։

Մոտ հինգ տարի առաջ ամուսինները հող էին փորում իրենց Սաութ Փուրտոնի ագարակի քոթեջի ատաստաղը բարձրացնելու համար։ Ռոբերտ Ֆուքսը քլունգով հարվածելով գլազուրապատ աղյուսներին՝ հայտնաբերեց անգլիական առաջին քաղաքացիական պատերազմի ժամանակների մոտ 100 մետաղադրամ։

«Փուրտոնի մետաղադրամների գանձարանում», ինչպես սկսեցին անվանել գտածոն, կան Յակոբ եւ Չառլզ I-ների ժամանակների մետաղադրամներ, ինչպես նաեւ Եղիսաբեթ I-ի, Ֆիլիպի եւ Մարիայի ժամանակների արծաթե կրոններ, շիլինգներ եւ սիքսփենսներ։