Սխալ են ասում, շատ էլ լավ ա վիճակը։ Այս մասին NEWS.am-ի թղթակցի հետ զրույցում ասաց ոստիկանապետ Արամ Հովաննիսյանը՝ անդրադառնալով ՆԳՆ նախարար Վահե Ղազարյանի վիճակի մասին Բագրատ Սրբազանի հայտարարությանը։

«Աշխատավայրում հենց հիմա նստած ա, հենց էս պահին նստած ա»,- հավելեց Հովհաննիսյանը։

Անդրադառնալով անհնազանդության ակցիաների ժամանակ ճամփեզրերին նստած մարդկանց բերման ենթարկելուն՝ ոստիկանապետը արձագանքեց․ «Չի եղել նման բան, օրենքի սահմաններում ա ամեն ինչ»։ 

Հիշեցնենք, որ այսօր՝ մայիսի 12-ին, Հանրապետության հրապարակում հրավիրված հանրահավաքում իր ելույթի ժամանակ Բագրատ Արքեպիսկոպոս Գալստանյանը հայտարարեց, որ իր տեղեկություններով Վահե Ղազարյանի վիճակն այնքան էլ լավ չէ։