Նոր ուսումնասիրությունը պարզել է, որ իսպանական միջերկրածովյան Մայորկա կղզու մոտ շուրջ 1700 տարի առաջ խորտակված հռոմեական ժամանակաշրջանի նավը թանկարժեք ձկան սոուսով բեռներ էր տեղափոխում:
Խորտակված նավը գտնվում է ծանծաղ ջրերում՝ լողափից մի քանի հարյուր ոտնաչափ հեռավորության վրա, Լե Մերավել առողջարանային քաղաքի մոտ, որը գտնվում է իսպանական Մայորկա կղզու մայրաքաղաք Պալմայից մոտ 6 կմ հարավարևելք:
Նախորդ հնագիտական հետազոտությունները ցույց էին տվել, որ նավը ժամանել էր իսպանական Կարթագեն նավահանգստից և անհայտ պատճառներով խորտակվել չորրորդ դարում:
Վերջին ուսումնասիրությունը, որը հրապարակվել է Archaeological and Anthropological Sciences ամսագրում, խորտակված նավի վերաբերյալ առավել մանրամասն վերլուծություն է ներկայացնում:
Պարզվել է, որ նավի բեռներում եղած 300 կնքված կավե սափորներից շատերը պարունակում էին ձկան սոուս, որը պատրաստված էր անչոուսից՝ «գարում» (կամ liquamen) կոչվող դելիկատեսից:
