News
Լրահոս
News
Շաբաթ
Ապրիլ 25
USD
473.96
EUR
511.4
RUB
8.87
Տեսնել լրահոսը

Հայաստանի եւ Լիտվայի միջեւ առկա է քաղաքական հարաբերությունների բարձր մակարդակ, եւ պոտենցիալը հարկավոր է օգտագործել տնտեսական համագործակցության աշխուժացման համար:

Այդ մասին հայտարարվել է Հայաստանի եւ Լիտվայի արտգործնախարարների համատեղ ասուլիսի ընթացքում, որը տեղի է ունեցել այսօր` ապրիլի 5-ին Երեւանում: 

Ողջունելով գործընկերոջ այցը Երեւան` Էդվարդ Նալբանդյանը նշել է, որ երկու երկրների միջեւ հարաբերությունները դինամիկ զարգանում են, ԱԳՆ-ի ղեկավարների հանդիպումները հաճախակի բնույթ են կրում: Մամլո ասուլիսին նախորդած հանդիպման ընթացքում նախարարները քննարկել են  երկկողմ հարաբերությունների օրակարգի եւ միջազգային հարցեր: Հայաստանի ԱԳՆ ղեկավարը լիտվական կողմին  շնորհակալություն է հայտնել ԵԱՀԿ Մինսկի խմբի ջանքերին ցուցաբերվող աջակցության համար`  2011թ. կազմակերպության համանախագահող երկիր եղած ընթացքում, նաեւ պատմել է բանակցությունների մասին:

Կողմերը քննարկել են Ընկերակցության համաձայնագրի բանակցությունների ընթացքը, Հայաստան-ԵՄ հարաբերությունների ամրապնդումը: Հայաստանի արտաքին քաղաքական գերտեսչության ղեկավարը նշել է, որ Լիտվան առաջինն է ճանաչել Հայաստանի անկախությունը, ինչի պատճառով էլ դիվանագիտական հարաբերությունների հաստատման 20-ամյակը նշվեց նախորդդ տարի, այլ ոչ թե այս, ինչպես մնացած երկրների մեծամասնության դեպքում էր: Լիտվան Բալթյան երկրներից առաջինն էր, որ Հայաստանում դեսպանատուն բացեց, իսկ Բալթյան երկրներում Հայաստանի առաջին դեսպանատունը բացվել է Վիլնյուսում:

Իր հերթին Աուդրոնյուս Աժուբալիսը նաեւ նշել է քաղաքական հարաբերությունների բարձր մակարդակը, «որը ներկայումս բավական համեստ դիրքերում գտնվող տնտեսական հարաբերությունների աշխուժացման համար չօգտագործելը հանցանք է»:

Միեւնույն ժամանակ նա գոհունակություն  է հայտնել այն փաստի առթիվ, որ լիտվական որոշ ընկերություններ պատրաստ են աշխատել Հայաստանում, մասնակցել մրցույթներին: Լիտվական նախարարը ուրախությամբ արձանագրել է  Ընկերակցության համաձայնագրի շուրջ Հայաստանի եւ ԵՄ-ի բանակցությունների հաջող ընթացքը, որը վերաբերում է ազատ առեւտրի գոտու ստեղծմանը եւ վիզային ռեժիմի հեշտացմանը: ԵՄ-ի հետ հարաբերությունների խորացման համատեքստում նախարարը նշել է 2013թ.` ԵՄ-ում Լիտվայի նախագահության շրջանում սպասվող գագաթաժողովին նախապատրաստվելու կարեւորությունը:

Նախարարի  խոսքով` երկու երկրների միջեւ միանգամայն հաջող կարող է լինել մշակութային եւ կրթական ոլորտներում համագործակցությունը: Նրա խոսքով` Լիտվայում ուրախ էին Հայաստանից ուսանողներ ընդունելու կապակցությամբ:

!
Այս նյութը հասանելի է նաև   English, Русский and Türkçe
Տպել
Այս թեմայով
Ամբողջ
Արթուր Բաղդասարյանը խոսեց «Նաիրիտից», որովհետեւ իրեն «խնդրել էին»
Օրերս Հայաստանի վարչապետը հայտարարել է, որ չեն կարողանում գտնել «Նաիրիտի» սեփականատիրոջը եւ դիմել է լրագրողներին՝ օգնելու համար...
Ուկրաինան բելառուսական ապրանքների վրա հատուկ մաքսատուրքեր է սահմանել
Ուկրաինան հատուկ մաքսատուրք եր է սահմանել Բելառուսի Հանրապետությունից ներմուծվող ապրանքների նկատամամբ՝ ի պատասխան…
Եվրամիությունը չի մարելու Ուկրաինայի պարտքերը ռուսական գազի դիմաց
ԵՄ-ն արդեն Ուկրաինային մակրոֆինանսական աջակցություն է ցուցաբերել՝ տրամադրելով 600 մլն եվրո…
Վարչապետն ընդունել է «Շիրակ հայրենակցական միավորում» ՀԿ անդամներին
Վարչապետին է ներկայացվել միավորման կողմից մշակված ծրագիրը...
Վերլուծաբան. ԵՄ-ը անգիտակցաբար Ռուսաստանի հետ կոնֆլիկտի մեջ է ներքաշվել
ԵՄ-ը այժմ հասկանում է, որ իրենց անհրաժեշտ է ամրապնդել արտաքին…
ԵՏՄ-ին Հայաստանի անդամակցելու պայմանագրի ստորագրումը տեղի կունենա առաջիկայում
Այս մասին նշվել է Սոչիում Հայաստանի եւ Ռուսաստանի վարչապետների հանդիպման ժամանակ…
Ամենաշատ
Ֆոտոռեպորտաժներ
Partner news