Հայաստանի կառավարությունը ապրիլի 5-ին հաստատել է վերլուծությունների մի շարք, որոնք 2012 թվականին նախատեսված ստուգումների շրջանակներում կիրականացնի Գյուղատնտեսության նախարարության սննդամթերքների անվտանգության պետական տեսչությունը: 2012 թվականին այդ նպատակներով կհատկացվի 100 միլիոն դրամ (շուրջ 25 հազար դոլար):
Վերլուծությունը կիրականացվի այն բնագավառներում, որոնք ընտրվել են պետական տեսչության կողմից որպես պոտենցիալ ստուգման կարիք ունեցող: Ինչպես NEWS.am-ի թղթակցի հետ զրույցում նշել է տեսչության մամլո քարտուղար Բաբկեն Պիպոյանը, 2011 թվականին պետական տեսչությունն անցկացրել էր ստուգումներ արգելված սննդային հավելումների վերաբերյալ (բավականին հայտնի E+ եռանիշ համարը), սակայն 35 ստուգումներից ոչ մեկը խախտում չէր արձանագրել, այդ պատճառով էլ 2012 թվականին այդ ոլորտում վերլուծություններ չեն արվի:
Խոսելով նախորդ տարվա կաթնամթերքների տուփերի վրա կաթի փոշու պարտադիր նշման մասին, որն ընդունվել էր 2011 թվականի մայիսին (եւ որը, ըստ շուկայի մի քանի մասնակիցների, առանց ավելորդ աղմուկի երկար ժամանակով հետաձգեցին, - խմբ.), Պիպոյանը նշել է, որ սարքավորումների մատակարարման ձգձգման պատճառով մասնավոր լաբորոտարիաները պարզապես չէին կարող վերլուծություններ անցկացնել: Ներկայումս լաբորատորիաները կարող են իրականացնել այդ ստուգումը:
2012 թվականի ծրագրին համապատասխան մթերքներում կստուգվեն հիմնականում ծանր մետաղների, բենզոպիրենի, մանրէների, հակաբիոտիկների, պեստիցիդների, նիտրատների, ռադիոնուկլիդների եւ գենետիկորեն մոդիֆիկացված օրգանիզմների առկայությունը: