«Ժառանգություն» կուսակցության նախընտրական շտաբի պետ Խաչատուր Քոքոբելյանը թիվ 7 ընտրատարածքում պաշտպանելու է Նիկոլ Փաշինյանի թեկնածությունը: Քոքոբելյանն այդ մասին ասել է այսօր` ապրիլի 5-ին, «Ժառանգության» նախընտրական շտաբի բացման արարողությանը:
«Կարծում եմ` դա ակնհայտ է»,- նշեց Քոքոբելյանը: Հիշեցնենք, որ նույն ընտրատարածքում առաջադրվել էր նաեւ «Ժառանգության» առաջնորդ Րաֆֆի Հովհաննիսյանը, ով սակայն հանել էր իր թեկնածությունը:
Քոքոբելյանը լրագրողների խնդրանքով անդրադարձավ նաեւ մամուլում շրջանառվող լուրերին, թե Արարատ Զուրաբյանը նեղացել է իրենցից համամասնական ընտրացուցակի պատճառով:
«Արարատ Զուրաբյանն իմ լավագույն ընկերն է, անփոխարինելի ընկեր է եւ թող ոչ ոք չսպասի, որ իմ ու Արարատ Զուրաբյանի հարաբերությունները կվատանան»,- նշել է Քոքոբելյանը: