Կալանավորվել է Սեդրակ Ստեփանյանը` Մոսկվայի Կաչալովի շուկայում գտնվող այն շենքի վարձակալը, որտեղ 17 մարդ է հրդեհվել: «Ալբասեթ» ԲԲԸ-ի տնօրենի հանդեպ Մոսկվայի դատարանը ձերբակալության պատժամիջոց է սահմանել մինչեւ հունիսի 3-ը:
Հիշեցնենք, որ ավելի վաղ դատարանը համապատասխան որոշում էր ընդունել տարածքի տիրոջ` գործարար Վլադիմիր Լիկովի հանդեպ:
Քննիչ Պավել Աբրամովը խնդրել է Ստեփանյանին կալանքի տակ վերցնել, քանի որ հակառակ դեպքում նա կարող է թաքնվել եւ ազդել վկաների վրա, ովքեր աշխատում են իր կողմից ղեկավարվող ընկերությունում: Քննիչը հավելել է, որ ձերբակալման ժամանակ Ստեփանյանը բողոքել է վատ ինքնազգացողությունից, բայց բժիշկները հայտնել են, որ նրա առողջական վիճակը թույլ է տալիս նրան մասնակցել դատական նիստին, հաղորդում է «ՌԱՍՊԻ»-ի թղթակից դատարանի դահլիճից:
«Ես ոչ մի տեղ էլ չեմ անհետանա, եթե կարիք կա, ես օրական երեք անգամ կգամ եւ նշում կանեմ: Բայց իմ առողջական վիճակը թույլ չի տա ինձ մինչեւ դատն ապրել»,-հայտարարել է Ստեփանյանը: Նա նշել է, որ խնդիրներ ունի նյարդային համակարգի եւ սրտի հետ, իսկ բժիշկները նրա մոտ խրոնիկ հիվանդություն են ախտորոշել, բայց նա չի հիշում, թե ինչպիսի: Նա համապատասխան բժշկական փաստաթղթեր չի ներկայացրել դատարանին:
Նրա իրավաբանն ասել է, որ Ստեփանյանը առաջինն է եկել հրդեհի վայր, նախքան հրշեջների ժամանումը կազմակերպել դրա մարումը, մեծ սթրես է տարել եւ կորցրել գիտակցությունը:
Պաշտպանը խնդրում էր սահմանել այդ պատժամիջոց` գրավ, ստորագրություն չհեռանալու մասին, տնային կալանք:
Քննության տեղեկություններով, Ստեփանյանը 17 մարդ է բերել աշխատանքների իրականացման համար եւ ապօրինաբար նրանց բնակվելու համար տրամադրել ապրելու համար ոչ համապատասխան տարածք:
«Կաչալովո» շուկայում հրդեհ է տեղի ունեցել ապրիլի 3-ին` վաղ առավոտյան: Զոհվել են ԱՊՀ երկրներից ժամանած 17 մարդ:
