Հարավային Օսիայի նախագահական ընտրություններում առաջատարն է պետանվտանգության նախկին ղեկավար Լեոնիդ Տիբիլովը:
Նախնական տվյալներով` նա 50%-ից ավելի ձայն է հավաքել: Նրա մրցակիցը` մարդու իրավունքների գծով հանձնակատար Դավիթ Սանակոեւը, արդեն խոստովանել է իր պարտությունը եւ Տիբիլովին շնորհավորել հաղթանակի համար: ԿԸՀ-ի նախնական արդյունքներով` Սանակոեւը հավաքել է 43%:
Ընտրված նախագահը հավատացրել է, որ արդեն նախկին մրցակցի փորձը անպայման կօգտագործվի նոր ղեկավարության կողմից:
Քվեարկության արդյունքները հայտարարելուց անմիջապես հետո Տիբիլովի կողմնակիցները հավաքվել են կենտրոնական հրապարակում հաղթանակը տոնելու:
Ընտրական գործընթացի վերջակետը կդրվի արդեն 10 օրից: Ապրիլի 21-ին կկայանա երդմնակալությունը, հաղորդում է vesti.ru-ն: