Րաֆֆու Փողոցում այսօր` ապրիլի 9-ին հրդեհ է բռնկվել: Դեպքի վայր է մեկնել Արտակարգ իրավիճակների նախարարության 4 մարտական հաշվարկը, հրդեհաշիջման կազմակերպման բաժնի եւ ճգնաժամային կառավարման կենտրոնի օպերատիվ խմբերը: Այս մասին NEWS.am-ին տեղեկացնում են Արտակարգ իրավիճակների նախարարությունից եւ խոստանում մանրամասները հաղորդել ավելի ուշ: 

Սակայն տեղի բնակիչները NEWS.am-ին տեղեկացրեցին, որ հրդեհը բռնկվել է Հարավ–արեւմտյան թաղամասում գտնվող գազալցակայաններից մեկում: Առայժմ հայտնի չէ, տուժողներ կան, թե ոչ: