2012 թվականի ապրիլին «Peace of Art» կազմակերպությունը Ուոթերթաունում (Մասաչուսեթս) կտեղակայի Հայոց ցեղասպանության հիշատակին նվիրված վահանակներ` «Պարոն նախագահ, մի նահանջեք: Ճանաչեք Հայոց ցեղասպանությունը» տեքստով: Ինչպես հայտնում է կազմակերպությունը, այս տարի «Peace of Art»-ը կտեղադրի նաեւ երկրորդ հաղորդագրությունը Ֆոքսբորոյի թվային վահանակում (Մասաչուսեթս). «Հարգենք 1,5 միլիոն կյանքերի հշատակը: Ճանաչեք Հայոց ցեղասպանությունը»:
Այդ պարզ տեքստը կտեղադրվի Դեր Զորը պատկերող ֆոնին, որը ծածկված կլինի 1,5 միլիոն կրակներով, մեկական` յուրաքանչյուր կորած կյանքի համար: Այդ անապատով թուրք օսմաններն ստիպել են ողջ մնացած հայերին անցնել մահվան երթը, եւ այն նրանցից շատերի համար դարձել է հանգստի վերջին հանգրվանը:
Ուոթերթաունում վահանակների հաղորդագրությունն ուղղված է նախագահ Օբամային, որը նրան կոչ է անում կատարել Հայոց ցեղասպանության ճանաչման վերաբերյալ իր խոստումը, որը տվել էր 2008 թվականի իր քարոզարշավի ընթացքում: