Թբիլիսիում Լեհաստանի նախկին նախագահ Լեհ Կաչինսկիի հուշարձանն են տեղադրել, որը երկու տարի առաջ զոհվել էր Սմոլենսկի մոտ տեղի ունեցած ավիավթարի արդյունքում: Կիսանդրին դրվել է զոհված նախագահի անունը կրող պուրակում, որը գտնվում է համանուն փողոցում:
Կիսանդրու հեղինակը քանդակագործ Ավթանդիլ Մչեդլիձեն է, հաղորդում է «Նովոստի Գռուզիան»:
Բացման արարողությանը մասնակցել են Վրաստանում Լեհաստանի դեսպան Ուրշուլա Դորոշեւսկան եւ հյուրեր Լեհաստանից:
Լեհական Տու-154 նախագահական ինքնաթիռը վթարի էր ենթարկվել Սմոլենսկում, 2010 թվականի ապրիլի 10-ին`վայրէջք կատարելիս: Բացի Լեհաստանի նախագահ Լեհ Կաչինսկիից, օդանավում են եղել նրա կինը, ինչպես նաեւ երկրի ղեկավարության մի մասը: Զոհվել են բոլոր 96 մարդիկ` 88 ուղեւորներ եւ անձնակազմի 8 անդամներ: