Քուրդ զինյալների մոտ 30 հոգանոց խումբը ապրիլի 12-ի երեկոյան փակել է Կարս-Էրզրում եւ Կարս-Իգդիր ավտոճանապարհները եւ կանգնեցված վարորդների եւ ուղեւորների առաջ PKK-ի (Քուրդիստանի բանվորական կուսակցություն) քարոզչությունն իրականացրել:
Թուրքական Hurriyet-ի փոխանցմամբ` PKK-ի զինյալները մոտ 30 րոպե քարոզչություն են իրականացրել, որից հետո հեռացել են լեռները: Վարորդների ահազանգերի հիման վրա դեպքի վայր են մեկնել անվտանգության ուժերը` հայտնաբերելու հեռացած քուրդ զինյալներին: