Ստրասբուրգում Եվրախորհրդարանն իր լիագումար նիստում կքննարկի երկու բանաձեի նախագիծ` Հայաստանի եւ Ադրբեջանի վերաբերյալ:
Խորհրդարանականներն այդ բանաձեւերը կքվեարկեն Հայաստանի եւ Ադրբեջանի հետ ասոցացման համաձայնագրերի շրջանակներում:
Նախքան քվեարկությունը նրանք նշել են, որ ԵՄ-ի համաձայնագրերը Հայաստանի եւ Ադրբեջանի հետ պետք է օգնեն ԼՂ խնդրի կարգավորմանը:
«ԵՄ-ի եւ Հայաստանի, ինչպես նաեւ ԵՄ-ի եւ Ադրբեջանի միջեւ ասոցացման համաձայնագրերը պետք է իրենց լուման ներդնեն ԼՂ խնդրի խաղաղ կարգավորման գործում, որը խոչընդոտում է Եվրոպական հարեւանության քաղաքականության լիարժեք զարգացմանը»,-նշվում է Եվրախորհրդարանի կայքում: