Իրաքում պայթյունների նոր շարք է իրականացվել. Բաղդադում միաժամանակ երեք պայթյուն է որոտացել: Պայթյուններ են տեղի ունեցել նաեւ Քիրքուք եւ Սամմար քաղաքներում:

Ըստ ուժային կառույցների աղբյուրի տվյալների` պայթուցիկ սարքերից մեկը տեղադրված է եղել մեքենայում, մյուս երկուսը թաքնված են եղել ճանապարհի երկայնքով: Պայթյունները տեղի են ունեցել քաղաքի այն շրջաններում որտեղ ապրում են գլխավորապես շիա մահմեդականները:

Ինչպես հայտնում է  utro.ru-ն, Իրաքի մայրաքաղաքում 11 մարդ է զոհվել, տարբեր վնասվածքներ են ստացել 20 քաղաքացիներ: Քիրքուքում եւ Սամմարում պայթյունների զոհ է դարձել 12 մարդ, վիրավորվել` 21-ը: