Մի քանի տասնյակ ընտրատեղամասերի հանձնաժողովներում «Ժառանգություն» կուսակցությունը չի ունենա իր ներկայացուցիչները` ցուցակում սխալ տպագրության պատճառով, որը ներկայացվել էր Կենտրոնական ընտրական հանձնաժողովին: Այդ մասին, այսօր` ապրիլի 23-ին, մամուլի ասուլիսի ժամանակ հայտնել է «Ժառանգություն» կուսակցության առաջնորդ Րաֆֆի Հովհաննիսյանը:
Ըստ Հովհաննիսյանի` «համակարգչային» սխալի հետեւանքով ԿԸՀ է ուղարկվել հանձնաժողովներում աշխատելու համար լիազորված անձանց ոչ ամբողջական ցուցակը: «Սխալը տեղի է ունեցել մեր մեղքով: Այժմ «Ժառանգության» անդամներին կփոխարինեն մարդիկ, ովքեր նշանակված կլինեն շրջանային ընտրական հանձնաժողովների ղեկավարների կողմից», - նշել է Հովհաննիսյանը, ավելացնելով, որ կուսակցությունը մտադիր է փոխհատուցել այդ բացթողումը` վստահված անձանց հաշվին:
Տեղամասերի ցուցակը, որոնցում «Ժառանգություն» կուսակցությունը կորցրել է ընտրահանձնաժողովներում անդամներ ունենալու իրավունքը, կուսակցության առաջնորդը խոստացել է հրապարակել մոտ ժամանակներս:
