Ռուսաստանում անհրաժեշտ է ակտիվացնել հանրությանը Հայոց ցեղասպանության մասին իրազեկելու աշխատանքը: Այդ մասին հայտնել է Չերնոմորսկյան-Կասպյան շրջանի քաղաքական եւ սոցիալական հետազոտությունների ինստիտուտի տնօրեն Վլադիմիր Զախարովն ապրիլի 23-ին տեղի ունեցած «Ժամանակը չի ջնջում հիշողությունը» հեռուստակամուրջի ժամանակ, որը նվիրված է եղել Հայոց ցեղասպանության տարելիցին:
Ըստ նրա` անհրաժեշտ է սկսել Հայաստանում այդ թեմայով հրատարակված գրականության թարգմանությունը: Այդ առումով նա նշել է Ռուսաստանի հայերի միության եւ ՌԴ-ի հայ համայնքների աշխատանքի անբավարարությունը: «Անհրաժեշտ են մասնավոր ներդրումներ», - նշել է Զախարովը:
Ինչպես նշել է ռուս փորձագետը, ադրբեջանցիները Ռուսաստանում իրենց պահում են ավելի ակտիվ: «Ադրբեջանական կամ անանուն հեղինակների ստորագրությամբ գրքեր են հայտնվել, որտեղ հաստատվում է, որ ցեղասպանություն չի եղել, որ դա հորինվածք է: Ինչո՞ւ ռուսաստանցի հարուստ հայերը հիմնադրամ չեն ստեղծում նման անհեթեթությանը պատասխանելու համար», - նշել է Վլադիմիր Զախարովը:
Նա նաեւ նշել է հայկական կողմի իրականացրած քարոզչությունը եւ քննադատել. «Այժմ Ցեղասպանութան գաղափարն իր ձեռքն է վերցրել ՀՅԴ-ն: Կարեւոր չէ, թե ով է դրանով զբաղված, կարեւոր է այն, որ նրանք բացառել են մյուսներին: Նրանք հանձնաժողով են կազմել, եւ ինձ համար` մարդու, ով այդքան շատ է գրում Ցեղասպանության մասին, ճանապարհն այնտեղ փակ է», - վրդովվել է Վլադիմիր Զախարովը: Նա հայտնել է, որ դրա հակակշիռն է ցեղասպանության ընդունման ռուսական հանրության ստեղծումը:
