Նյու Յորքում յոթ ուղեւորներով ավտոմեքենան 15 մ բարձրությամբ էստակադայից վայր է ընկել: Միջադեպը տեղի է ունեցել Էստակադայի այն հատվածում, որն անցնում է Բրոնքսի կենդանաբանական այգու վրայով:
Վթարի արդյունքում բոլոր յոթ անձինք զոհվել են: Զոհերի թվում երեք երեխաներ կան, а ինչպես նաեւ 84-ամյա տղամարդ եւ 80-ամյա կին, հաղորդում է Lenta.ru-ն`հղում անելով Associated Press-ին:
Ըստ հրշեջ ծառայության տվյալների` ավտոմեքենան կորցրել է կառավարումը, շրջվել է ճանապարհային պատնեշից եւ ընկել ծառապատ տարածք: Անկման վայրում ոչ մի կառույց, մարդ կամ կենդանի չեն եղել:
Ինչն է եղել ճանապարհային պատահարի պատճառը, դեռեւս հայտնի չէ: Ապրիլի 29-ին մայրուղու այն հատվածը, որտեղ տեղի էր ունեցել վթարը, որոշ ժամանակով փակ է եղել: