Պաշտոնատար անձանց ու նրանց հետ փոխկապակցված անձանց կողմից ներկայացվող հայտարարագրերում կկատարվեն փոփոխություններ: Այդ մասին այսօր` մայիսի 3-ին, կառավարությունը, արդարադատության նախարաության առաջարկով, ընդունեց համապատասխան որոշում:
Մասնավորապես` բարձրաստիճան պաշտոնատար անձի պաշտոնեական պարտականությունների ստանձնման կամ պաշտոնական պարտականությունները դադարեցման դեպքերում նույնպես նախատեսված է հայտարարագրի տվյալների հրապարակում:
Նշենք, որ գույքի եւ եկամուտների հայտարարագիր պետք է ներկայացնեն բարձրաստիճան պաշտոնատար անձը, նրա ամուսինը, համատեղ ապրող ծնողը, համատեղ ապրող չափահաս եւ չամուսնացած զավակը:
