Աջափնյակ վարչական շրջանի թիվ 155 դպրոցում տեղակայված թիվ 6/18 ընտրական տեղամասում այսօր` մայիսի 6-ին, ժամը 13-14-ի սահմաններում, 80-անց մի կին սրտի կաթված է ստացել եւ տեղափոխվել հիվանդանոց: Այս մասին NEWS.am-ին հայտնեցին թիվ 6 ընտրատարածքային ընտրական հանձնաժողովից:
Նրանց փոխանցմամբ` կինը ոչ թե թիվ 6/18, այլ 6/17 ընտրատեղամասի ընտրող է, նա սխալ տեղամաս էր եկել եւ նստել էր հանգստանալու, որտեղ էլ հենց կաթված է ստացել:
Նշենք, որ մայիսի 6-ին Հայաստանում ընթանում են խորհրդարանական ընտրությունները:
