Ընտրությունների վերահսկման միասնական շտաբն ընտրությունների վերաբերյալ իր գնահատականը կներկայացնի տոներից հետո: Այդ մասին NEWS.am-ին հայտնեց Հայաստանի քաղաքագետների միության նախագահ Հմայակ Հովհաննիսյանը:
Նրա խոսքով, երեկ ՀՔՄ գրասենյակում տեղի է ունեցել միասնական շտաբի նիստ, որին մասնակցել են Վարդան Օսկանյանը` «Բարգավաճ Հայաստանից», ՀՅԴ Գերագույն մարմնի ներկայացուցիչ Արմեն Ռուստամյանը եւ Հայ ազգային կոնգրեսի համակարգող, նախընտրական շտաբի պետ Լեւոն Զուրաբյանը:
«Նիստում քննարկվել են ընտրության արդյունքները եւ որոշում է կայացվել համատեղ հայտարարություն տարածել, համաձայնեցվել է հայտարարության բովանդակությունը»,- նշեց Հովհաննիսյանը:
Նշենք, որ Միասնական շտաբում ընդգրկված են ՀԱԿ-ը, ԲՀԿ-ն եւ ՀՅԴ-ն, իսկ «Ժառանգությունը» հրաժարվեց մասնակցել շտաբի աշխատանքներին:
