News
Լրահոս
News
Կիրակի
Մարտ 01
USD
478.76
EUR
537.12
RUB
7.84
Տեսնել լրահոսը

Հայ ռազմական փորձագետները շատ բարձր են գնահատում Լեռնային Ղարաբաղի մայրաքաղաք Ստեփանակերտում անցկացված զորահանդեսը (ֆոտոռեպորտաժ):

Ինչպես NEWS.am-ի թղթակցի հետ զրույցում նշել է ռազմական փորձագետ  Արծրուն Հովհաննիսյանը, շքերթում ներկայացվել է ռազմական նոր տեխնիկա: Խոսքը միանգամայն նոր որակի մասին է` հաշվի առնելով, որ  նոր սպառազինությունն ունի  ոչ միայն պաշտպանողական եւ հակահարձակման բնույթ, այլեւ կարող է օգտագործվել  նախազգուշական նպատակներով: Ռազմական փորձագետը նշել է Պաշտպանության բանակի կատարելագործման կարեւորությունը: Խոսելով զորահանդեսում ցուցադրված անօդաչու թռչող սարքերի մասին` Արծրուն Հովհաննիսյանը նշել է, որ դրանք նախորդ տարվա աշնանը Երեւանում ցուցադրված սարքերը չէին:  «Դա վկայում է հայ ռազմարդյունաբերական համալիրի ակտիվ աշխատանքի մասին», - ընդգծել է նա:

Ռազմական փորձագետ Հրաչյա Պետրոսյանի խոսքով` Ստեփանակերտի զորահանդեսն արժանի է ամենաբարձր գնահատականի, հաշվի առնելով նաեւ այն հանգամանքը, որ Լեռնային Ղարաբաղը փոքր հանրապետություն է:

«Իհարկե, չի կարելի Լեռնային Ղարաբաղի զորահանդեսը համեմատել, օրինակ Ռուսաստանի նման երկրի հզորության հետ, բայց, հաշվի առնելով նրա չափերը, շքերթի որակն ու ծավալը տպավորիչ են», - նշել է Հրաչյա Պետրոսյանը: Նա հատուկ ընդգծել է ղարաբաղյան մարտիկների դեմքի արտահայտությունը: Ռազմական փորձագետը նաեւ ուշադրություն է դարձրել հայկական  անօդաչու թռչող սարքերին`նշելով, որ դրանք տարբերվել են Երեւանում ցուցադրվածներից: 

«Դա, ինչպես նաեւ ժամանակակից հրթիռային սպառազինության ցուցադրումը շատ բանի մասին է վկայում», - նշել է Հրաչյա Պետրոսյանը` հավելելով, որ  21-րդ դարի պատերազմները հրթիռային եւ հրետանային պատերազմներ են, եւ Պաշտպանության բանակը ցույց տվեց, որ իրավիճակի է խոցել թշնամական ցանկացած թիրախ:

Հիշեցնենք, մայիսի 9-ին  Ստեփանակերտում անցկացվել է ռազմական շքերթ` նվիրված Շուշիի ազատագրման եւ Պաշտպանության բանակի հիմնադրման 20-ամյակին, ինչպես նաեւ Երկրորդ համաշխարհային պատերազմում հաղթանակի 67-րդ տարեդարձին:

!
Այս նյութը հասանելի է նաև   English and Русский
Տպել
Այս թեմայով
Ամբողջ
Կենսաբաններ. հնագույն ամերիկացիները փիղ էին որսում
Մարդիկ կարող էին փղերի անհետացած նախնիների բնաջնջման պատճառ դառնալ…
Սիրիայից ժամանած հայերի կեսից ավելին լքում է Հայաստանը
Հիմա երկիրը բախվել է նոր իրավիճակի...
Որտե՞ղ է տեղադրվելու Նժդեհի արձանը. Երեւանի գլխավոր ճարտարապետը բացում է փակագծե
Այս պահին քննարկվում է հովանավորի հարցը, տեղադրումը, դիրքը, բարձրությունը…
Երեւանյան տրանսպորտ. հարմարավետություն պետք չէ ակնկալել, նույնիսկ եթե ուղեվարձը
Բայց պատահում է, որ հավանական ուղեւորը, տեսնելով լեցուն երթուղայինը, հրաժարվում է օգտվել դրանից...
Կիսիլեւը կամ մեկ ուրիշը չէ, որ պիտի գան ու իրենց իրավունք վերապահեն խոսելու նման
Կիսիլեւի հայտարարությունը շատ մեծ անտակտություն է եւ եւս մեկ անգամ ռուսական ուժի ցուցադրություն...
Լիբանանի հայկական գյուղում ընկույզի կիսաթանկարժեք մուրաբայի որոնումներով
Մարդը, ով չի սիրում այս աշխատանքը, չի անի այն, քանի որ շատ բարդ է…
Ամենաշատ
Ֆոտոռեպորտաժներ
Partner news