Ադրբեջանն աստիճանաբար ավելի է ներքաշվում Իրանի շուրջ դիմակայության մեջ: Նման կարծիք է հայտնել Ռազմավարական զարգացման մոդելավորման կենտրոնի առաջին փոխնախագահ Գրիգորի Տրոֆիմչուկը մայիսի 17-ին «Ընտրությունների արդյունքները Հայաստանում. ռուս-հայկական երկխոսություն, նոր փո՞ւլ»:
Ավելի ճիշտ նրան ներքաշում են, ասել է փորձագետը` հիշեցնելով վերջին «լրտեսական սկանդալները»:
«Սակայն Ադրբեջանին ոչ ոք, այդ թվում Ռուսաստանը, ոչինչ չի կարող հուշել: Նա ինքը պետք է եզրակացություններ անի ինքնապահպանման բնազդի հիման վրա»,- նշել է Գրիգորի Տրոֆիմչուկը` հիշեցնելով, որ պատերազմի դեպքում Ադրբեջանին առաջինն են հարվածելու:
Այդ համատեքստում փորձագետը հույս է հայտնել, որ ողջամիտ մոտեցումը կհաղթանակի: Նրա կարծիքով, Հայաստանն ու Ադրբեջանը ստեղծված իրավիճակում կարող են ոչ ստանդարտ քայլ անել եւ բանակցություններ սկսել Իրանում նախաձեռնվող պատերազմի նախօրեին: